Nagmarka ng isang mahalagang tagumpay para sa Lalawigan ng Catanduanes sa pamamagitan ng inagurasyon ng unang Sub-Local Governance Regional Resource Center (Sub-LGRRC) sa Virac. Nilalayon ng sentrong ito na paghusayin ang lokal na pamamahala sa pamamagitan ng pagpapalaganap ng kaalaman at pagbuo ng kakayahan sa mga yunit ng pamahalaang lokal.

Ang inagurasyon ay dinaluhan ng mga pangunahing opisyal mula sa DILG, kasama sina Regional Director Atty. Arnaldo E. Escober Jr., CESO V, Assistant Regional Director Jhoaden G. Lucero, CESO IV, Provincial Director Uldarico S. Razal Jr., CESO V, Cluster Head William T. Aldea, at lahat ng MLGOOs sa probinsya ng Catanduanes.

Kumakatawan sa Local Government Unit ng Virac sina Mayor Samuel V. Laynes, Vice Mayor Arlynn H. Arcilla, at iba pang mga Department Heads, kasama si MLGOO Lea A. Madrid, na nagpakita ng kanilang suporta para sa inisyatibong ito.

Sa kanyang talumpati, binigyang-diin ni RD Escober ang papel ng Bicol LGRRC at DILG bilang tagapamahagi ng kaalaman at ng pagbuo ng kakayahan ng mga Local Government Units. Ipinahayag rin ni ARD Lucero ang layunin ng pagdadala ng mga knowledge products na mas malapit sa komunidad upang mapalakas ang mga lokal na pamahalaan at mas mahusay na makapaglingkod sa kanilang mga nasasakupan.

Inanunsyo ni PD Razal na ang Virac Sub-LGRRC ay isa sa apat na naitayong sub-LGRRCs sa lalawigan, kung saan ang mga susunod na sentro ay matatagpuan sa Panganiban, San Andres, at Pandan.